الرابط الأول :: الرابط الثاني :: الرابط الثالث
 
العودة   رؤى الخليج التطويرى > > >
التسجيل التعليمـــات قائمة الأعضاء التقويم البحث مشاركات اليوم اجعل كافة الأقسام مقروءة
روابط مفيدة : التسجيل | طلب كلمة المرور | تفعيل العضوية | طلب كود تفعيل العضوية | إتصل بنا   
إضافة رد
 
أدوات الموضوع انواع عرض الموضوع
قديم 05-05-2018, 10:46 AM   رقم المشاركة : 1
« Cute »
General Manager





Cute غير متواجد حالياً


Wink نصائح هامه للطبخ لكل ست بيت ضرورى ادخلى


مع مشغوليات ست البيت او الموظفة فى المطبخ وفى المنزل عموماً تتكاثر عليها المتاعب والأحمال خلال اليوم مما يزيدها أرهاقاً وتعباً ومع الأيام يصيبها الملل فلا تبدع فى مطبخها أو عمل أصناف جديدة حيث يصبح المثل الرائج فى هذه الحالة " اللى نبات فيه نصبح " وذلك بسبب الأرهاق اليومى للسيدات فى المطبخ .

ولكن اليوم أحضرت لكن نصائح هامة وضرورية لكل سيدة فقد تخفف عليها من تعب المنزل والمطبخ اليومى وتلك النصائح الهائلة فى حالة أتبعها فقد يتغير معها نظرتها للمطبخ وأسلوب حياتها فى تجهيز الطعام وتحضيره وأعذرونى على تقديم هذه النصائح باللغة العامية حتى يسهل فهمها على الجميع فتلك النصائح هى

1- لو طعم الثوم كان زايد فى الاكل و حسيتى انك مزوده الثوم اوي حطى على الاكل بشرة جنزبيل خفيفة .. هتقلل شوية من طعم الثوم الزايد فى الاكل

2 . لو الأرز اتلسع منك اوعي تجيبي المعلقة و تقلبي و تجيبي فوقيها تحتيها الي هتعمليه بالظبط الاتي :
أ- هتجيبي رغيف عيش عندك وتشيلي الحلة من فوق النار خالص وتحطي رغيف العيش على وش الحلة دقايق عشان يمتص ريحة الشياط .

ب- فى حالة لو معندكيش عيش هتجيبي بطاطساية صغيره وتقطعيها صوابع كانك هتحمريها ورشقيها في الحلة وغطي الحلة دقايق هتمتص ريحة الشياط تماما .

جـ - بعدين انقلى الأرز اللي فوق من غير ما تكحتى الحلة وفي حلة جديدة سواء هيكمل تسوية أو لاء .

3- لو بتديقك ريحة الجمبري وهو بيتسلق و بيأثر على ريحة البيت كله وهو بيتسلق حطى في ماية السلق كسبرة خضرة هتمتص الريحة الى حد كبير .

4- عشان تدي للفراخ وقت السلق نكهة جميلة و مميزة قبل ما تحطيها تتسلق احشي ما بين الجلد و لحم الفرخة نفسة خلطة عبارة عن " بصل مفروم وملح وفلفل وقرنفل وحبهان وعودين قرفة وادعكي الخلطة دي كويس في بعضها واحشي بيها الجزء الي قولتك عليه هتلاقي طعمها بعد السلق احلى .



5- لما تيجي تغسلى اي خضار هاتي طبق كبير و امليه ماية ومعلقتين تلاتة كبار خل ومعلقتين ملح وحطي الخضار 3 او 4 دقايق بس هيقضي على كتير من الجراثيم وهيسهل عليكي عمليه التنضيف .

6- لو عندك كمية كبيرة من الطماطم و قررتي تعمليها صلصة وتحفظيها في التلاجة هتفرميها وتصفيها عادي و تحطيها تتسبك عالنار عشان تحافظى على جودتها فترة اطول وهي في مرحلة التسبيك حطي عليها معلقتين صلصة طماطم جاهزة هتعيش معاكي اطول بكتير .



7- لما تحمري بتنجان او فلفل او ممبار او فراخ او اي حاجة من الحاجات الي بتحدف زيت و تلسوع ايدينا دي وانتي بتسخنى الزيت في الاول قبل ما تحطي اي حاجة حطي معلقة ملح و قلبيها في الزيت هتقلل كتير من الطرطشة الي بتحصل دي .

8- لو بتسلقى لوبيا او فاصوليا بيضاء مترميش مياه السلق وابقي خدي نصها مثلا في الصلصة الي هتعملى فيها الطبيخ بتدي للاكل قوام و نكهة احلى من لما تستعملى شوربة عادية .

9- لما تيجي تعملى الفراخ البانيه احنا بنحطها في البيض و بعدين نغطيها بالفيجيتار او البقسماط المطحون .

مرحلة انك تغمسيها في البيض دي بقي هتجيبي البيضة او البيضتين الي هتستعمليهم واكسريهم في الطبق وحطي معاهم ربع كوباية حليب واضربيهم هتفرق معاكي في ايه بقي .

اولا : هتدي طعم لذيذ للفراخ الي المفروض انك متبلاها طبعا من فترة .

ثانيا : هتساعد ان الفيجيتار او البقسماط مينفصلش عن الفراخ وقت التحمير .

ثالثاً : وعشان تضمني اكتر واكتر ان البقسماط او الفيجيتار ميسرحش في الطاسة و يسيب الفراخ او حتي البفتيك هتعملى الي قولتك عليه و تجيبي طبق كبير ترصي فيه البوفتيك او الفراخ البانية بعد ما غطتيها بالفيجيتار او البقسماط وحطيها في الفريزر عشر دقايق قبل التحمير واتحداكي لو فكت منك .






رد مع اقتباس
قديم 05-28-2018, 12:00 PM   رقم المشاركة : 2
« MOHAMED BAKR MOHAMED »
General Manager





MOHAMED BAKR MOHAMED غير متواجد حالياً


افتراضي رد: نصائح هامه للطبخ لكل ست بيت ضرورى ادخلى

شكرا لك مجهود رائع للغاية







رد مع اقتباس
إضافة رد

الكلمات الدلالية (Tags)
للطبخ, ادخلى, هامه, نصائح, ضرورى

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:51 AM

 
Powered by vBulletin® Copyright ©2000 - 2018, Jelsoft Enterprises Ltd. TranZ By MOHAMED BAKR MOHAMED
adv by : MOHAMED BAKR MOHAMED
جميع الحقوق محفوظة © r0ua.com رؤى الخليج التطويرى

تصميم معهد ترايدنت
Web
Analytics